30-07-2009

Réttu mér hjálparhönd

Sálin hans Jóns míns er að senda frá sér enn eitt glænýtt lag sem er það seinna af tveimur er kemur frá sveitinni þetta sumarið.
Ópusinn heitir "Réttu mér hjálparhönd" og eru höfundar lags og texta þeir Guðmundur Jónsson og Friðrik Sturluson og er fáanlegt á nýju safnplötunni Pottþétt 50 eða til niðurhals á Tónlist.is.

Lagstúfinum má lýsa sem kleyfhuga því fyrriparturinn er kántrýskotinn en seinna í viðlaginu brestur á með kraft-poppi, a la Bon Jovi....(ef þetta hjálpar einhverjum).
Textinn fjallar um sögumann nokkurn sem gengið hefur götu gleðinnar ansi greitt. Hann hefur ná botninum og biður gest og gangandi um að rétta sér hjálparhönd (...þetta minnir mig á hnípna þjóð í miðju Atlandshafi nú um mundir).

Hljómsveitin er búin að vera á stífu tónleikahaldi undanfarið eina og hálfa árið og verður að eitthvað fram á haust, er við tekur veglegt vetrafrí.

Um verslunarmannahelgina verður Sálin hans Jóns míns á faraldsfæti, fyrst á Þjóðhátíð Vestmannaeyjum, laugardaginn og á Ein með öllu í Sjallanum Akureyri, daginn eftir.

Adios!



E-mail: gummijonss@simnet.is